現年35歲的前「蜘蛛女」姬絲汀鄧絲（Kirsten Dunst）與29歲的《絕命毒師》（Breaking Bad）男星Jesse Plemons年初宣布訂婚，最近就有傳姬絲汀懷孕的喜訊，可喜可賀！
據美國娛樂雜誌《Us》周刊報道指姬絲汀懷了與Jesse的首個愛情結晶，她前日外出時被狗仔隊影到腹部明顯隆起，身形圓碌碌孕味濃。其實早前姬絲汀接受英國版《瑪麗嘉兒》（Marie Claire）雜誌訪問時，已講到出口想生B，她說：「係時候生BB同抖番一吓！」
姬絲汀表示原本對升呢做人母沒太大感覺，直至做了契媽之後才萌生當媽的念頭：「我尋晚放她（契女）落床，而佢起身嘅時候就問佢媽媽：『Kiki（姬絲汀的花名）喺邊？』我實在好喜歡呢種愛，呢個就係我想要（做母親）嘅原因。我非常愛佢（契女），除非你有小朋友，否則你冇法子可以感受到！」此外，兩年前姬絲汀在訪問中亦提到想為人母，更定下兩年後會準備生B，似乎一早計劃好做媽媽。
姬絲汀與Jesse於2015年拍攝電視劇《雪花高離奇命案》（Fargo）飾演情侶時結緣，一年後撻着，最初二人大玩地下情，直至去年5月被影到當街咀嘴才令戀情曝光，他們於今年1月證實已訂婚。據知姬絲汀計劃來年在德州奧斯汀與Jesse舉行小型婚禮，並已選好由設計師好友Kate與Laura Mulleavy姊妹設計的婚紗。
文：外娛組