徐榮撐阿仔踢波衝出香港
藝人徐榮日前帶同女兒包包到馬鞍山出席活動，惋惜未能全家共度聖誕：「個仔要去沖繩踢足球比賽，得番我同佢媽咪同埋妹妹留喺香港過聖誕。（提早送咗聖誕禮物畀個仔？）佢不嬲鍾意咩就會講，冇話等到聖誕節，佢都有整禮物畀我，係把槍，因為佢近排鍾意玩槍，整把送畀我，想我同佢玩。至於個女冇聖誕節嘅概念，對佢嚟講日日都係聖誕節！」
徐榮支持兒子向足球運動發展，他說：「佢鍾意踢波，我都好贊成。（做父母會擔心佢將來搵唔搵到食？）喺香港踢波的確比較困難，好多時連練習場地都唔夠，要周圍去，甚至要走入元朗練波。另外我都贊成個仔多啲出外參加比賽，希望可以衝出香港！」
