陳婉婷學嗲功服侍主人

藝人陳婉婷（Hebe）近日忙於拍攝無綫新劇《堅離地愛堅離地》，劇中飾演貪錢KOL，更為了增加人氣而到女僕餐廳做侍應，化身嬌嗲女僕！講到新劇大玩制服誘惑，Hebe笑言不習慣：「女僕造型太Lady，但我本身比較男仔頭，所以有啲唔習慣。（咁性感，唔怕令人有遐想？）唔會啦，我哋都包到實一實，加上劇情以輕鬆搞笑為主，相信觀眾睇完唔會有遐想，反而覺得好好笑就真！」
陳婉婷化身俏女僕，仲特訓嗲功。
陳婉婷化身俏女僕，仲特訓嗲功。

為化身完美女僕，Hebe專誠學習日語及嗲功：「事前我有去女僕餐廳學嘢，拍攝時有跟到足，會對住客人好溫柔、好嗲，例如叫對方做主人，送餐時會喺嘢食上面念咒語，同客人合照時仲會擺心心手勢扮Cute。」

唔止陳婉婷，連裕美（右二）都有玩制服誘惑。
  • 唔止陳婉婷，連裕美（右二）都有玩制服誘惑。