想同嘉穎出Trip陳凱琳唔怕搞出意外
同為港姐出身的陳凱琳與張寶兒日前於上水出席聖誕活動，雖然不同屆但仍老友鬼鬼！陳凱琳想在聖誕節與男友鄭嘉穎去旅行：「我想放假，但未決定去邊。（嘉穎話同你會有意外發生？）點解佢會講啲咁嘅嘢？冇咁嘅事！佢開玩笑！（怕去旅行會有意外？）唔驚！你講唔見行李嗰啲？希望唔會啦！」又指明年1月會投入拍新劇《包青天再起風雲》。
至於張寶兒亦希望聖誕可與男友袁偉豪去旅行，兩人會在除夕當晚以情侶檔出活動搵真銀，笑言一齊倒數感覺似一起經歷更多。談到男友有份提名台慶頒獎禮視帝，她表示會為對方拉票。