陳嘉容恨嫁呻仔多冇個啱

聖誕將至，名模陳嘉容（Eunis）透露今年會留港慶祝：「平安夜同聖誕會分別同屋企人同朋友食飯，因為1月開始要拍ViuTV兩個節目，所以趁12月好好休息吓。」又指十多年前在泰國過的聖誕最難忘：「泰國一年四季都好熱，當時完全忘記咗係放緊聖誕假！我喺泳池游水，突然有個聖誕老人出嚟派禮物，印象好深刻，亦戥個聖誕老人辛苦。（想過白色聖誕﹖）好恨（口架）！因為未試過，大部分都係熱辣辣。」提到新一年的展望，自認單身的她笑說：「希望嫁得出。（有男友？）冇！男性朋友就有好多。（要2018年嫁好趕？）我閃婚吖嘛！」日前，Eunis抽空為親友選購禮物，她坦言買禮物講求實用為主：「不過都要靚嘅，我鍾意買頸巾畀朋友，百搭又易用。」