Aka炮製生菜包自創不一樣的味道
東網巨星節目「大家樂特約」《星級煮意》廣邀一眾名人紅星大展廚藝，今集請來女子組合Super Girls隊長Aka炮製「生菜包」，中學時已整飯盒給媽媽的Aka，練得一身好廚藝，落廚冧男友花樣多多，最愛自創獨一無二的菜式。
為《星級煮意》觀眾炮製「生菜包」的Aka，透露平日不時會煮兩味：「屋企有咩就會攞嚟煮，但以簡單為主，好似見到Pancake粉，就會加少少水，攞嚟煎，之後喺上面加啲生果，就已經好好味。」
整愛心飯盒打氣
原來中學二年級時，由於母親在寓所附近上班，故孝順女Aka每日都會整飯盒給母親，日子有功，令她亦變成廚藝高手，問到有否煮給男友食？她說：「有試過，記得有個男朋友當時唔開心，我整咗個開心飯盒，有腸仔、西蘭花，仲整咗個哈哈笑樣，佢即時冧晒。（成日為男友下廚？）會，當你鍾意佢就會想整嘢畀佢食，見佢食就好開心，可能係母性啩。第時如果有男友都會勁煮畀佢食，仲要整啲特別嘅菜式，好似煎雞翼，我會落啲黑松露同埋BBQ汁，要同平時啲味唔同，做出嚟先似特別為佢而做。（要唔要男人識煮嘢食？）最好，咁兩個可以一齊煮，試過有男友下廚煮我最鍾意嘅鵝肝，煎到爛晒，但我照食，都會好冧。」
最啱女士Keep Fit
擅煮媽媽菜的「廚媽」吳綺莉大讚Aka的「生菜包」最啱時下要減肥的女士，但就建議可再加多啲生菜：「我見到呢味生菜包都想食，感覺好Fresh，但如果加多啲生菜、豆、辣椒絲會更有口感。」《星級煮意》邀得陶大宇、黃建東、陳嘉桓、陸浩明與女友、陳嘉佳、朱慧敏等亮相，其他名人、藝人會陸續登場，示範不同菜式，又有專家提供煮食要訣，娛樂與資訊並重，大家可透過東網App或東網網頁收看。
文：名人組