古天樂寧願開倉落閘唔搞玩具展
身為「星戰迷」的古天樂興奮地為電影首映禮擔任嘉賓，並即場與戲中反派Kylo Ren「格劍」。曾搞玩具展的古仔表示過往因搬運Figure到展覽場而損毀一半數量的心頭好，呼籲大家親自到其玩具倉參觀。
「星戰迷」古天樂（古仔）前晚在觀塘apm出席《星球大戰：最後絕地武士》首映禮，表現興奮的他擔任嘉賓，與戲中反派角色「Kylo Ren」一同登場，二人以激光劍對打。面對台上的1:1《星戰》Figure，古仔表示不敢心紅，只會在其他地方購買後收藏，問到為何不直接搬回去珍藏？他笑說：「唔會攞現場呢啲，會叫朋友幫我搵，好多朋友鍾意《星戰》，平時會交流吓心得。」
原力「保護」黑武士
收藏大量玩具的古仔對《星戰》陸續有來的公仔虎視眈眈，並指自己的玩具倉已預留位置，問到玩具倉是否爆滿？他說：「未，仲可以買，《星戰》分分鐘仲有十幾集拍呀陰功，所以留咗啲地方。（開玩具展覽？）試過開過一次，展覽冇問題，但運輸過程整爛咗一半，咁不如嚟我個倉參觀。（心痛？）運輸已經好小心，因為有啲有咁上下歷史，爛咗仲整唔番，好彩第一個買嘅一比一黑武士有原力『保護』，所以冇事啫。」又指最愛電影中的反派角色，認為很少電影反派能如此受愛戴，獨具魅力。問到他是否不再搞玩具展覽？他說：「盡量唔好啦，驚搞完個倉冇晒。我有個Hulkbuster成兩層樓咁高，要成七、八個人去裝嵌，嗰啲拎出去比較麻煩。」
文：影視組