容祖兒忙爆先苦後甜

天后容祖兒首次為內地電影《解憂雜貨店》獻聲，她所唱的主題曲《重生》MV近日曝光，祖兒坦言：「第一次聽到Demo時就覺得首歌有種傾訴嘅感覺，好適合依家嘅我嚟唱，係要有經歷先可以領悟歌曲中嘅意思。」錄歌時她已被感動過無數次：「雖然我平時望落好開心，但都有憂愁一面，而且長年累月咁做唔同嘅嘢，身心都累積咗唔同程度嘅攰，不過我就習慣先苦後甜，相信要努力付出先會有收穫！」