甄子丹獲獎靠壽星仔好帶挈

甄子丹獲頒「國際影星獎」，笑言是身在日本度假慶生的兒子「帶挈」。

【陳柏宇、鄭家俊澳門直擊】第二屆澳門國際影展暨頒獎典禮閉幕儀式昨晚舉行，影星甄子丹獲頒「國際影星獎」，「最佳電影獎」由《狩獵季節》（《Hunting Season》）奪得，「最佳男主角」及「最佳女主角」分別由內地男星宋洋與愛爾蘭女星Jessie Buckley奪得，而《戰狼2》則獲頒「亞洲人氣電影大獎2017」。

楊紫瓊堅持拍西片

得獎的子丹穿上西裝亮相紅地氈，他表示昨日是細仔James的生日，當年子女出世時，他分別兩度奪得香港電影金像獎，笑言子女一直帶給他好運！因太太汪詩詩未有陪伴在側，子丹說：「佢帶咗仔女去日本度假兼慶祝James生日，我因為要做嘢，唔可以一齊去。」與楊紫瓊同場，可會藉此機會傾合作？他說：「嚟到呢啲場合就要放鬆心情，唔好成日講工作。」又說下月將拍攝與王晶監製的動作喜劇，與毛舜筠、吳君如等合作：「打就一定有，係我想拍嘅嘢！」楊紫瓊表示出席影展後會正式放假，以往都是一年拍一部戲，但難得能與袁和平再合作，無法推辭，她說堅持參演西片，希望能提升亞洲演員的地位。

放大圖片	莊思敏「導彈」一出，即時KO泰星「超蓮」。	泰星「超蓮」

風水陣催旺姻緣

踏上紅地氈的還有影后惠英紅、謝君豪、陳芷菁等，而首度到澳門的泰國女星《出貓特攻隊》（Bad Genius）女主角「超蓮」茱蒂蒙翠莎容素欣（Aokbab）以Deep V吊帶晚裝亮相，不過難敵谷胸亮相的莊思敏！中門大開的她表示將為TVB拍攝節目《新春開運王》，問會否乘機學擺風水陣催旺姻緣？她笑言：「有擺o架，但好運都係要由善事同心地好得番嚟。」至於內地女星霍思燕則與老公杜江及囝囝嗯哼一家三口現身，嗯哼頻頻賣萌，比媽咪更搶鏡！

楊紫瓊紅地氈上晒靚背。	楊紫瓊	霍思燕一家三口亮相。