岑麗香「盲」講普通話放笑彈
【記者陳永峯深圳直擊】藝人岑麗香、黃翠如及黃宗澤等昨日在深圳與粉絲舉行見面會，岑麗香與黃翠如更齊齊大晒「普通」話搞笑贈興，笑料百出，而黃宗澤、王浩信就化身暖男冧粉絲。
無綫劇集《溏心風暴3》演員夏雨、黃宗澤、岑麗香（香香）、黃翠如、王浩信、陳敏之、阮兆祥及米雪，昨日在深圳舉行粉絲見面會，宣布劇集於騰訊視頻播放量突破五億。期間，香香和翠如大騷「普通」話笑料百出，香香的普通話被取笑好像在說英語般，她對主持說：「我聽國語聽得很『盲』（慢），你要『盲盲』（慢慢）講。」
緊張影響水準
事後香香接受訪問時笑說：「之前用咗六、七年時間學廣東話，下一步就係學普通話，間中都有學過吓，除咗拍劇，生活上都有用，今日坐車上嚟都不停練習。」而翠如自言本身的普通話都可以，只是有點緊張，之前在內地拍劇時多講會說得比較好。問二人想不想接拍內地劇？翠如說：「冇諗咁多，公司安排做咩就做咩，依家公司都有好多合拍劇。」香香亦表示看公司安排，並笑說：「自己有學習新語言拍戲嘅經驗，當初嚟香港廣東話都係由頭學起，所以唔會驚。」
黃宗澤王浩信餵飽粉絲
而黃宗澤與王浩信現場化身「暖男」親手餵女粉絲吃東西，令她們暈晒大浪。正在內地拍攝邵氏網劇《守護神》的黃宗澤前日於工作中度過37歲生日，問到生日願望是否想找女朋友及結婚？他說：「結婚冇咁快，忙到不得了，新年都返唔到屋企，真係冇時間拍拖！」此外，他的一班忠實粉絲前日專程到深圳送上驚喜。事前工作人員與粉絲夾計，工作人員趁空檔請他行出餐廳，當粉絲見到偶像即大唱生日歌，令他大為驚喜。