菊梓喬為事業棄愛被鬧萌塞
歌手菊梓喬（Hana）昨日到電台為節目錄音，自爆被主持人罵：「佢哋鬧我太『萌塞』，對愛情睇法完全錯晒，因為我講咗話工作太忙所以唔要愛情。」將工作事業放第一位的她坦言因機會難得：「依家呢個機會等咗好耐，終於出到大碟，又多咗人認識自己、多咗聽自己啲歌，做嘢愈嚟愈有火，所以都唔會點諗愛情住。」
年底各大頒獎典禮將至，問到有否信心得獎？Hana表示以平常心看待：「努力過後有冇獎都好，都係整定，自己做咗幾多嘢，大家最終都係會知道，但希望之後可以角逐『最受歡迎女歌手』。」又透露會於平安夜舉行簽唱會。