雨僑驚腸胃炎免羅力威下廚

藝人雨僑、陳爽、何紫綸（Ann）、張加慧、陳蒨瑩及「仁美清叙」主席程瑤，前晚到博覽館出席慈善時裝騷，有份做搞手的程瑤感謝藝人們出心出力，筱靖雖然冇份行騷，仍到場力撐程瑤！

陳爽催趁早生B

雨僑穿上猶如婚紗的白色晚裝行騷，她身上的晚裝及手袋不但籌得5位數字善款，更被指似預演婚禮。而雨僑自爆抱恙上陣：「其實我呢排耳水不平衡嚴重咗，好彩身體都撐到我嚟行Catwalk。（男友羅力威有冇照顧你？）佢有嚟我屋企，買嘢畀我食，我唔使佢煮，費事我多單腸胃炎！頭先見陳爽喺後台同老公、仔女視像通話，好幸福！」提到陳爽叫她有仔趁嫩生，她笑言：「我會一步步嚟，先結婚再生小朋友，得o架啦，我會加油！」曾多次穿婚紗工作的雨僑，笑言將來結婚只負責扮靚及揀婚紗，其餘交由男方安排！

陳爽露背上陣，被囝囝讚靚。

羅力威被女友踢爆是地獄廚神。

而陳爽開心透露被男士讚靚：「我個仔見我呢身打扮，問我咁靚，係咪做姊妹！最近我將佢細個啲衫，畀九個月大嘅妹妹着，佢唔係太想，平時我叫佢分啲嘢食畀我，都唔太願意，相反妹妹就樂於分享，可能要教哥哥多啲分享！」

何紫綸指醫生叫她努力增肥。

程瑤感激藝人朋友們鼎力支持。

何紫綸「食詐胡」

Ann則自爆誤以為有喜：「最近身體唔舒服，人有啲『虛』，我以為有咗，睇醫生話我係太瘦，要食肥啲，120磅先夠，我人生從未試過咁重！依家我三餐食飯，暫時110磅左右，我都有做運動，等身形唔好走樣。」

文：影視組