鄧達智明年英國註冊

著名時裝設計師鄧達智（William）與外科醫生陳梓欣（Clement）婚後不時孖住現身，二人因榴槤定情，昨日一同出席榴槤活動吃榴槤，Clement直言好開心：「因為第一次約會係佢約我食榴槤，好回味。」問到是否因Clement多人追以致William呷醋？William說：「少少唔開心，都會呷醋。」問到Clement如何氹William，令對方安心？Clement笑說：「唔係事實，我同佢講結婚戒指都戴咗。我Feel唔到有人追，係Facebook多咗佢啲朋友Add我，Add咗成百人呀。」二人透露將到日本旅行，再到以色列，明年三月到英國逗留9日辦理註冊事宜，六月於英國正式註冊。Clement笑言William有365日假，自己只得20日大假。