黎諾懿戶口得三位數 靠太太接濟
黎諾懿及湯洛雯昨日出席活動，他笑認被太太掌控財政：「我個戶口長期得三位數，都係每次問太太出糧，但都夠用。」諾懿又爆羅天宇與湯洛雯拍拖後不敢亂使錢，湯洛雯即高呼冤枉！
黎諾懿及湯洛雯（靚湯）昨日以劇集《燦爛的外母》夫妻檔身份出席聖誕活動，性感示人的靚湯自誇腳頭好，帶挈諾懿一齊接Show，今次已是兩人第三次「夫妻檔」工作。靚湯晒命笑指已接了倒數活動，未有接活動的諾懿說：「想有Show接，但冇都唔緊要，可以陪太太同囝囝小春雞。（準備咩節目？）留番喺屋企，唔敢帶BB出街，因為多病菌。」靚湯即笑他可以留家「追多個」，諾懿說：「會唔會急得滯？遲啲先！太太未復原。」
湯洛雯否認管住羅天宇
靚湯被問到會買甚麼聖誕禮物給男友羅天宇？她指對方喜歡玩具模型，諾懿即插嘴爆料指與天宇未認識靚湯前，常一起去旺角買玩具：「之後少咗喇！應該係畀人管制住！最近同佢行街，佢都冇買嘢畀自己，反而買啲女仔公仔，見佢個眼神好可憐！」靚湯即呼冤否認管制男友財政：「冇呀！有自己嗜好好正常，我畀佢同化咗鍾意儲Figure！」諾懿笑指無形壓力更恐怖，問他是否感同身受？他笑認被太太掌握財政大權：「我戶口長期唔過三位數，都係每次問太太出糧，但都夠用。」問天宇是否要儲錢結婚？靚湯笑指不知道，諾懿即笑住寸靚湯：「雖然唔知佢將來嗰個係咪你，但都要儲定啦，你都唔細啦。」靚湯回應：「我知我身材唔細！」
文：影視組