肥媽逼6號結婚：同人哋個女瞓咗咁耐！

肥媽為陳詩欣作主，公開向陸浩明逼婚。

肥媽和黑妹的《黑．媽媽笑住唱演唱會2017》頭場全場爆滿，獲胡楓及Joe Junior等捧場。肥媽與黑妹穿校服短裙出場，自稱是「處女Look」和「圓碌碌」，引得全場大笑。嘉賓6號提議肥媽明年開「煮重你米演唱會」：「謝霆鋒內地演唱會兩個鐘，個半鐘煮嘢食，再唱幾首歌，好好做！下次你煲湯用一個鐘，再唱兩首歌就搞掂。」肥媽即笑指霆鋒用半小時煮食，再用半小時灑鹽。6號又笑言肥媽不時問候他母親，因此帶了爸爸和媽媽來讓她親自問候！肥媽笑說：「點解你阿媽咁靚但生到你咁嘅樣？你老竇都幾靚仔。」而6號跳唱半首《小蘋果》後，肥媽就在台上逼婚：「你同人哋個女（陳詩欣）瞓咗咁耐，都應該娶人做老婆啦。你帶人去歐洲，唔通分開房瞓？」6號搶着說：「我哋成晚冇瞓！夜晚好多嘢做，要敷面膜。」

心口擺籌碼都得

肥媽除了大唱好歌，還講述1984年靠唱歌換酒飲，繼而獲邀成為歌女的經過，自爆一星期唱5晚就收18,000港元歌酬。說到經典作《要爭取快樂》，她笑言歌曲爆紅前要托米，之後就托錢回家。黑妹換上黑絲現身，分享13歲開始唱歌的經歷，期間獲粉絲送花，肥媽和黑妹笑言要折現，之後不少觀眾及肥媽的孫送上利是及現金，肥媽即收進心口說：「早知着低胸嚟，易啲入，譚詠麟要帶袋，我唔使，擺籌碼都得，我個胸最高擺過800幾美金！」嘉賓阮兆祥、喬寶寶、羅敏莊與女兒陳禛輪流現身講爛Gag，雖然陳禛聲沙未能唱歌，但落力伴舞贏得全場掌聲。由於時間關係，黑妹刪減了幾首獨唱歌，與肥媽合唱《錢錢錢》時走到台下與觀眾握手和合照，之後更和李天翔、李霖恩及陳少邦大合唱《友情歲月》，氣氛熱烈。

羅敏莊帶囡囡一齊做嘉賓，陳禛的舞姿贏得不少掌聲。

肥媽（左）和黑妹以校服Look現身，令全場起哄。

文：音樂組　

攝：劉斌