爆蕭正楠催求婚 黃翠如：佢想喊
藝人黃翠如昨日出席代言品牌活動，獲大會送上生日蛋糕及頸鏈補祝生日，她表示這兩天與家人及朋友食飯慶祝生日，問到男友蕭正楠（Edwin）有何表示時，翠如笑說：「佢送咗部手提電腦畀我，好實用，因為我一路都係冇電腦嘅人，對於我嚟講係好高科技。」
提到Edwin於社交網站形容她是「天下無雙」，她即冧笑又讚男友好好，問到Edwin是否經常有好多主意？翠如即笑男友大部分時間好鈍：「但佢喺我人生感性啲嘅時刻喺隔籬支持我，呢個最緊要。」她指Edwin已習慣她容易喊。問到如果Edwin求婚，她豈不是會淚如泉湧？翠如笑說：「所以佢叫我求婚，佢想佢喊。（同你講佢嘅計劃？）有講過將來，但我嘗試唔聽。」
