「玻璃杯論」被擺上枱 周柏豪解嘲：每個人都會打爛嘢

近日忙於拍攝無綫劇集《再創世紀》的周柏豪，昨日與韓國魔術大師Yu Ho Jin及被封為新加坡凍齡攝影師的陳傳多出席「渣打Simply Cash Visa卡正式推出」活動，Yu Ho Jin即場表演多個魔術，睇到柏豪拍爛手掌，Yu Ho Jin最後將一個完好的玻璃杯放入透明箱，隨即隔空將玻璃杯變成碎片，金睛火眼地旁觀的柏豪嚇到拍拍心口。

變魔術氹老婆

由於柏豪於2012年因打破一隻水杯，而在網誌發表「玻璃杯論」，遭網友狂笑及封「大文豪」，柏豪受訪時坦言不介意被擺上枱：「冇所謂啦，每個人都會打爛嘢。」並大方透露昔日經常借魔術氹現時老婆Stephanie：「都有一、兩個啤牌魔術傍身，不過只呃到5歲以下小朋友。（用嚟氹老婆？）開始時都有，有咩嘢識都攞晒出嚟，識魔術可以招呼吓朋友。」

自認婆仔會儲分

柏豪自言有節制，表示從未試過碌爆卡及不找卡數：「每月都會清還，我都係婆仔嚟o架，會儲分換機票同禮物。（老婆係財政大臣？）一齊嘅，不過佢幫我打理生意。」近日頻頻出席活動的柏豪坦言拍劇有助人氣：「依家出街，小朋友同老人家都認得我，年齡層多咗。」今年加盟星夢唱片公司的他被問到是否要還劇債？柏豪說：「無綫係我經理人，我唔係藝員，所以我冇員工證，揸車入無綫都要登記同埋冇Locker。」

文：音樂組