出爐視帝唔諗Encore！ 王浩信豪到英國扲荷包慶功
出爐「星和」視帝王浩信正身在英國拍劇，獲一眾拍檔開香檳慶祝，而他亦禮尚往來，拉隊到唐人街「萬歲」請食飯，眾人都祝福他在無綫頒獎禮再下一城！
藝人王浩信日前憑劇集《踩過界》在《星和無綫電視大獎2017》勇奪視帝，身在英國為新劇《兄弟》拍外景的他，獲《踩》劇監製林志華及一眾拍檔開香檳祝賀，而他亦非常識做，收工後拉隊到唐人街食飯再慶祝！他接受訪問時說：「好多謝《兄弟》嘅團隊同我喺英國食呢餐飯，我哋都要同監製林志華慶祝，《踩過界》係佢嘅作品，我哋好多演員都憑套劇攞到獎。」
獲睇好再下一城
問到有否信心在無綫台慶頒獎禮奪得「最佳劇集」，他說：「依家嘅成績已經好有交代，其他嘢唔諗咁多住，亦都恭喜《同盟》攞到呢個獎（指『星和』），其實唔係邊套劇攞到或攞唔到呢個獎就係開心定唔開心，反而希望所有劇集都受觀眾歡迎。咁當然，我都好希望《踩過界》攞到『最佳劇集』，信心係要有嘅，但對手都好強，之後《溏心風暴》我都有份參與，希望都有機會。」
而監製林志華則希望王浩信及李佳芯能在無綫頒獎禮再下一城：「我對佢哋好有信心，無論演出同努力上，都值得有呢個獎勵畀佢哋，不過對手好強，希望佢哋順利啦！至於『最佳劇集』係屬於全套劇嘅，《踩過界》嘅質素大家有目共睹，我都好期望同成組人分享呢個成果。」
此外，奪得「星和」視后的李佳芯接受電台訪問時，坦言之前經常自我質疑，但現時認為觀眾都鍾意，就不應太低估自己。
文：影視組