陳凱琳香水狂 噴埋嘉穎嗰份

陳凱琳透露家中有多達數十支香水。

前香港小姐冠軍陳凱琳與歌手王灝兒（JW)昨日出席「ANNA SUI FANTASIA香水發布會」。陳凱琳原來是香水狂，小時候已經取媽媽的香水噴，她除了愛試不同氣味的香水，還愛儲靚香水樽，屋企有多達四十支香水。問到會否噴男友鄭嘉穎喜歡的香水味？她笑說：「自己鍾意偏甜嘅香水，通常男仔聞到都覺得OK，自己對於香水就花心少少，一有新出就會買。」她又透露男友平時少噴香水，可能男友覺得她噴的已足夠兩人分量，但仍不算噴得離譜，對方亦沒有鼻敏感，她說：「我出街前一定會噴一噴，個袋會有兩支香水，香港咁熱出少少汗，噴啲香水又會香番。」問到鄭嘉穎可有送香水給她？陳凱琳說：「佢知我好多，我鍾意自己揀。佢送嘅嘢通常好有心思，好似喺生日或情人節親自下廚煮飯。」

JW自認專一

JW則自言對於香水方面十分專一，通常只會買慣用的香水，或與男友買同系列的情侶裝香水：「通常會一齊揀香水，因為香水好個人，自己鍾意用開嗰啲。」

嘉穎表示常與陳凱琳入戲院睇戲，不怕被認出。

JW自爆會與男友買同系列的情侶裝香水。

另一邊廂，鄭嘉穎前晚出席電影院開幕儀式，受訪時直言常與陳凱琳入場睇戲，更不怕被人認出：「唔通唔出街咩？（出街睇有拍拖Feel？）兩樣o野嚟，大製作係入戲院睇大銀幕先有嗰種感覺，有興趣嘅戲多數會入戲院睇。」他指與女友睇戲口味不似，自己愛看男人戲，女方則鍾意女人戲。

文：影視組