藝人麥雅緻早前為丈夫張頴康誕下一子「小花生」。昨日，張頴康上載兩張全家福，見到家姐張雅喬（小豆）嘟起嘴仔，細佬「小花生」則擘大口仔，相當可愛。張頴康同時發文多謝太太完成了他組織一家四口的心願：「睇番呢一個星期裏面影過嘅相，好鍾意呢兩張簡單嘅全家福！雖然唔係由攝影大師操刀，但係記錄咗我人生最重要嘅時刻！我一直希望擁有一個屬於自己嘅一家四口，我今日有喇！無論以後嘅日子點樣，我都會盡我能力保護我嘅家庭！多謝老婆用自己嘅身體完成咗我呢個願望！我老婆為我嘅付出，坦白講，我都唔知點還，點報答！希望下一世我可以做女人幫番你生BB啦！」