李克勤笑囝囝踢校隊未夠班

李克勤昨日為電台擔任客席嘉賓主持，剛推出新歌《龍鬚糖》的他，計劃搵個龍鬚糖師傅整糖給大家分享，問到在音樂上忙足一年，他笑說：「由簽約嗰日開始，就預咗有今日o架啦！」談及大仔Ryan日前10歲生日，一家人特地訂製曼聯蛋糕慶祝，但他自言慳儉：「個蛋糕係平面，唔係3D，平啲！佢仲要求去高級酒店食自助餐。」克勤又爆Ryan開始踢校隊，他搞笑說：「我話乜依家啲水平低咗咁多。（你好衰？）我係鼓勵佢踢好啲！」問到可贊成囝囝將來做球星？他坦言在香港做運動員這條路很難行，希望有關方面多表揚運動員：「一個地方嘅體育運動，如果做到啲偶像或者英雄人物出嚟，係幫到民生。」