幸福52 城城自認唔識湊女：我負責玩

郭富城昨日以品牌優雅形象大使身份出席Longines慶祝185周年慶典揭幕，吸引逾百途人圍觀。城城獲贈一對腕錶，錶盒內印有家庭成員英文名首字母「A、M、C」和中文字「仨」組成的圖案，A代表Aaron，M代表Moka，城城大方透露女兒就是「Ｃ」：「我鍾意C字頭嘅名，囡囡叫Chant，即係有希望嘅意思，係我同太太一齊改。」而中文名則未定。

生日留港陪家人

城城明日便踏入52歲，問到生日願望，他說：「現階段家庭好圓滿，工作上要更努力。（生日點過？）會留喺香港，返屋企食飯、切蛋糕同影家庭相已經好滿足。」談及早前偕方媛拜會法王為女兒祈福，他表示純粹是分享會，至於有否想過追仔，他說：「冇咁快，順其自然，唔會刻意追求啲乜。」

女兒早前滿月時，城城稱只是與外婆及嫲嫲食飯，百日宴未有計劃，他直言現在知道做媽咪不容易，要對家庭更好：「無論工作幾忙，有時間就要陪家人，我相信朋友會體諒，我希望做一個稱職爸爸。（工作會唔捨得女兒？）冇辦法。（朋友見過囡囡未？）好多朋友都未見過，遲啲，工作會忙到過年，嗰時囡囡大啲會方便啲。（幫手湊女？）我負責玩，因為我唔識嘛！（一家三口出席活動？）工作還工作，家庭還家庭，我成日都話，唔希望將家庭掛喺口邊。」

文：名人組