湯洛雯攞新人獎羅天宇有表示
無綫小花湯洛雯（靚湯）昨日以War Game造型大晒長腿出席活動，席上自爆是一名機迷，問到男友羅天宇是否最佳「隊友」？她笑說：「圈中都有好多朋友打機，我都有同劉佩玥一齊玩嘅。（一齊直播打機？）驚太投入啲真性情出晒嚟！」
靚湯早前在男友生日時吻賀對方認愛，日前她在新加坡舉行的《星和無綫電視大獎2017》中奪得「TVB最佳新人」，問到男友有否吻賀？靚湯即甜笑說：「送咗紮花，大路嘢啦！（嫌唔夠心思？）唔會！係一份心意，都好開心嘅！（台慶都準備好拎獎？）唔敢諗，今年係我豐收嘅一年，拍咗四套劇。」