Ana R.合資出童裝 Lisa S.回歸做女強人
名模Ana R.與Lisa S.合作投資的童裝品牌昨日舉行記者會，除了Ana的女兒Maya外，名模好友周汶錡與陳嘉容亦有撐場。Ana與Lisa坦言心情緊張，為品牌籌備近一年，還投資不少錢：「我哋喺設計上畀咗好多意見，今次係第一個系列，下季會再做好啲。以前做模特兒時以為做個品牌好容易，依家先知背後好多程序。」Ana的女兒還為品牌擔任小模特兒。
周汶錡搲贊助
現時長居美國的Lisa透露今次只留港一星期，故未有帶女兒同行，老公吳彥祖則身在愛爾蘭拍電視節目：「希望下次可以留耐啲，香港係我第二個家，好掛住香港！我喺美國係太太，喺香港就係Working Woman。（老公支持你做生意？）佢好支持！都有畀意見，佢話覺得啲衫好Cool，囡囡鍾意着褲，因為佢經常周圍跑。」至於周汶錡笑言已要求一世贊助兩兒的時裝，問到兒子有否獲邀做模特兒？她說：「可以考慮，不過大仔好有性格，佢唔鍾意做都逼唔到。」
