黃心穎百無禁忌結婚再算
黃心穎、高海寧、麥美恩及森美昨日到尖沙咀出席新旅遊節目《森美旅行團》記者會。對於高Ling被批不宜做陪嫁姊妹，否則會影響該對夫妻生育，問到日後結婚時會否避忌？心穎說：「我第一次同佢合作，但都好愉快。我未諗到結婚呢個地步，到時睇吓邊個最好朋友，但呢個太長遠，我唔迷信。」
活動上，現場播出森美在溫泉晒腹肌的片段，他笑說：「要同佢哋搶鏡實在太難，兩個（黃心穎、高海寧）都係『溫泉女神』，麥美恩冇份，因為上圍要過34以上。嗰個溫泉男女共浸，我喺佢哋面前拉開毛巾，入鄉隨俗。（佢哋有冇跟你入鄉隨俗？）應該要，但佢哋唔肯。」他又透露入去之前做了20、30吓掌上壓谷肌。問到可有被老婆扭耳仔？他自爆拒絕太太同行，但太太最後數天仍自費買機票到當地：「佢知得我一個拍，嚟陪我，我拍完同佢食飯。」
而心穎及高Ling表示見到森美脫毛巾時有擰轉面，叫了一聲：「冇諗過會有呢個舉動。（見到咩？）乜都見唔到！」高Ling又透露曾與心穎齊齊赤裸浸溫泉，問到誰人身材較好？心穎即搶答：「梗係佢啦！」