堪輿學家李居明指高海寧肖虎，不宜做陪嫁姊妹，否則會連累一對新人冇仔生！她曾為宋熙年（Sarah）擔任姊妹，問到Sarah老公、藝人陳智燊可有擔心相士所言？他笑說：「咁當佢嗰日唔係做姊妹囉！我哋喺澳洲搞嘅婚禮，高Ling都冇嚟啦！哈哈！」他認為可以相信風水命理，但不宜太迷信。問到造人大計，他表示暫時未有時間表，但與太太一直有共識，亦在計劃當中，希望順其自然，笑言兩夫妻最近忙於拍劇，未有時間多想其他事！