黎美言儲首飾循環再用抵呀！
藝人黎美言（Winkie）在媽媽薰陶下，從小愛上「儲首飾」，她形容自己喜歡購買飾物的程度遠遠高於置裝：「作為藝人買衫唔係好抵，因為着一次就好易被認得，相反耳環、頸鏈可以循環再用，好似抵啲嘛！我影出嚟嘅（珍藏）只係冰山一角，有啲我已攞咗去捐，或者作二手買賣，環保呀！」
Winkie表示小時候媽媽已愛幫她扮靚：「細個鍾意買頭箍畀我，大個啲就開始有耳環首飾，佢仲搵人訂製衣櫃、內附玻璃首飾箱畀我用，而買首飾就好似成為咗我哋嘅親子活動咁。」她早前獲品牌商送贈一個聖誕樹形放首飾的擺設，令她愛不釋手：「飾物選購方面，比較鍾意五顏六色嘅，我仲特別偏好金色，配搭上嚟高貴大方。」
