鄭融做足工夫防七年之癢

本月10日生日的鄭融前晚出席唇膏活動，表示生日當天外籍男友Martin請假與她及母親High Tea慶祝，並送上花束為禮，二人拍拖七年，她笑言早已做足準備工夫去防範七年之癢：「前年開始我就薰陶佢同我一樣嘅生活習慣，早睡早起、行山，等佢修心，防止七年之癢！」問及何時結婚，鄭融則自認保守，暫時未有這個感覺：「啲人覺得七年好耐，我覺得依家先係時候可以諗吓結婚，連求婚都未準備好。（畀個驚喜你？）希望報道之後，佢會畀驚喜我，唔係等了又等！」