靚靚扯火 張智霖變鵪鶉！
藝人張智霖（Chilam）與太太袁詠儀（靚靚）、鄺美雲、李家鼎等昨日現身盆菜晚宴，早前Chilam被本報拍到陪兒子魔童到滑板場玩滑板，提到囝囝時，靚靚即句句有骨說：「佢忙緊滑板事業嚟唔到，告發佢啦，冇戴安全設備嘅人可以入場，都唔明白點解啲家長可以咁樣，容許自己個小朋友唔戴頭盔同保護手腳嘅嘢就畀佢去玩。」在旁的Chilam就搭嘴：「人人得而誅之。」靚靚即說：「冇錯嘞，你知邊個啦，離晒譜！」看來父子倆玩滑板未有做足安全措施令靚靚不滿。
醋娘子連珠炮發
遭老婆寸爆的Chilam在旁一直點頭沒有作聲，靚靚續說：「個家長話冇人戴(o架)！政府應該立例喺公眾設施唔做足安全措施唔畀入。（囝囝有冇同你約法三章幾時先玩得？）佢有應承我做完功課先玩，但依家好醒目，做得叻會搵我，做得唔理想就會搵爹哋。」問Chilam是否甚麼都應承，他笑言自己是「Sugar Daddy」。靚靚立即詐型說：「我都唔明點解阿仔打畀你咩都話好，佢就話媽咪成日話唔好，仲成日同老竇講I miss you so much。（係咪呷醋？）你話呢﹖﹗」
兩公婆公然鬥嘴
問到Chilam會如何補償，他無奈說：「又補？我做錯咩﹖有得食有得住已經好好。（怕唔怕寵壞囝囝？）我錫得嚟都好有分寸。」靚靚聞言反駁，再次火滾重提滑板事件：「你唔戴安全措施仲話有分寸？離晒譜，跌親條腰骨你就後悔一世。」
文：名人組