阿Sa賀朱明銳娶新抱
面包台CEO朱明銳昨晚榮升新老爺，其任職工程師的二仔朱曉揚和拍拖兩年的時裝設計師女友梁詩雅結婚，在科學園筵開39席喜宴。蔡卓妍（阿Sa）與Sa爸、黃耀明、歌手鄺祖德、前DJ路芙、名媛徐綺雯及郭啟華到賀，阿Sa兩父女及黃耀明更被安排坐主家席。
朱明銳接受電話訪問說：「黃耀明睇住我個仔大，多謝Sa爸帶埋工作咁忙嘅囡囡阿Sa嚟飲我個仔嗰餐。（阿Sa有冇帶埋男友嚟？）冇喎，不過我都有催阿Sa快啲結婚，到時記得請我飲，但佢話冇咁快喎！」朱明銳表示送了200萬首期給兒子買樓：「呢個年代買樓靠父幹，其他就要佢自己供喇！」
