宣萱爆分手內幕張衞健難頂女尊男卑
曾獲無綫「最佳女主角」獎的47歲宣萱大爆跟舊愛張衞健（Dicky）分手原因，原來當年兩人無奈結束兩年情，全因男方敵不過「女尊男卑」的心理關口，宣萱直指Dicky思想傳統：「唔能夠接受女方事業比自己好。」
宣萱日前接受電台節目主持人車淑梅訪問，她曾跟張衞健（Dicky）、富二代榮文瀚、牙醫、混血獸醫及意大利籍男友拍拖，可惜全部未能開花結果。談及當年和Dicky因拍劇而撻着，惜分手收場，宣萱坦言已忘了由誰提出分手，但指Dicky的思想較傳統，不能接受女方事業比自己好︰「我向佢解釋每個人（嘅事業）都會跌落嚟，就算紅20年，都未必紅足30年，一定有起跌。無奈喺男人嘅角度，事業係非常重要。」
仍留意舊愛
雖然分手，但宣萱仍對前男友讚不絕口：「佢（Dicky）係個好勤力嘅演員，會通宵唔瞓睇劇本。我欣賞佢個人好幽默，若然人太正經唔鍾意笑，點相處一世？」現時她仍有留意對方消息，戥他成家立室感高興。現仍單身的宣萱坦言努力尋找另一半，但不心急，因已過了想生兒育女的年紀。
離巢志在錢？
至於有粉絲叫宣萱考慮其「螢幕男友」古天樂，她笑言觀眾被劇集洗腦，指二人都清楚彼此不是大家「那杯茶」，但期待能和古天樂在2018年的電影版 《尋秦記》再續前緣：「佢『吹雞』我就會埋位o架喇！」此外，宣萱被問當年離開無綫的原因？她指因不滿某高層有不尊重演員之嫌：「佢話『冇得加薪，你都唔志在啦』，呢句說話令我覺得不被珍惜同尊重，因為要供樓，我立即變賣物業，離開無綫。」
文：音樂組