甄子丹錫住13歲濟如 唔畀太早入行

「宇宙最強」甄子丹與太太汪詩詩前晚放下一對仔女拍拖現身酒會，子丹笑言常被太太投訴沒時間陪她，透露下月開新戲，將要忙到過年：「聖誕應該喺出面過，老婆Plan咗出埠，希望到時同劇組請到假，得閒就Join。」講到囡囡甄濟如表演欲強，不時拍片放上社交網，獲大讚能歌善舞，問到可有人斟她入行？子丹說：「傾咗幾年啦！唔積極，小朋友仲細，我又冇將個大門打開。」在旁的詩詩透露女兒有參加學校合唱團及演出音樂劇，亦喜歡彈琴。本身琴技出眾的子丹，表示太太也達8級鋼琴水平，相信女兒遺傳他們的優良基因。

屋企係Yes Man

問到荷里活爆出淫魔監製Harvey Weinstein，會否覺得娛樂圈太複雜？子丹說：「行行都複雜，行行要自律，睇父母點教同埋佢個人係咪檢點。」詩詩表示母親自小教她無論去哪裏，都不要獨自行事：「因為有時唔係你嘅問題，係對方嘅問題。（到時你做個女嘅經理人咪得？）唔想做經理人，我喺屋企做惡嗰個，唔想大家傷感情，爸爸就係Yes Man。」不過子丹卻說：「太太講就咁講啫！到時可能跟足個女24小時。」

甄濟如有父母優良遺傳，難怪不少娛樂公司都向她招手。

莫文蔚認真幸福，每年都獲老公送戒指。

莫文蔚度期見老公

同場還有歌手莫文蔚，她透露最近參與內地真人騷《天籟之戰》：「依家每個星期要挑戰一首歌，好玩好刺激，玩到年底。」笑言與外籍老公要度期見面。提到10月1日與老公行沙灘慶祝結婚6周年紀念，她覺得很浪漫，問到老公送了甚麼周年禮物？莫文蔚說：「佢每年都會送戒指畀我，未必一定係周年紀念禮物，睇啱就送。」

文：名人組