江若琳三點式男友影到標晒汗
歌手江若琳（Elanne）昨日偕艾粒出席舊衫義賣活動，她表示每人捐出40件或以上的衣服，其中捐了一套黑色喱士晚裝。提到她上月生日時去泰國影三點式相，問到可有捐出那套三點式？她笑說：「嗰件私藏。（男友蕭潤邦珍藏？）梗係唔係啦！佢冇咁變態。」
Elanne謂上載那張相前忐忑了很久，因有些相太性感，有些又太肥，問到男友幫她影相可有影到發脾氣？她笑說：「冇呀！佢影相好有耐性，不過係啲角度唔好，100張裏面淨係得一張得。（佢有冇影到流晒口水？）冇呀！流汗就有，因為熱。」她亦謂男友不會偷影她睡覺，但相反她則會這樣做：「因為佢成日唔信自己瞓覺大鼻鼾聲，所以我拍片證明畀佢睇。」