黎瑞恩榮升老闆好迷惘
歌手黎瑞恩（小恩子）昨日出席活動，早前大方承認與王祖藍公司「和平分手」的她坦言未有打算再簽經理人，她笑說：「我哋呢啲冇乜前途嘅藝人，唔需要有經理人啦。」
早前成立「感恩製作公司」的小恩子透露公司已聘請多位得力員工：「之前做完林敏驄個騷都冇諗住發展，不過有好多製作前輩叫我做好啲，啱啱喺一星期內請咗四個同事。（由歌手變製作人？）我都唔知，好迷惘同好突然。」並大讚團隊說：「團隊好做得嘢，好怕啲人得把口講，做就做唔到，希望做到好成績。」實事求是的她表示最愛落手落腳工作：「好多人叫我學習交畀下屬做，不過我好少點人做嘢。」