On仔豪情騷肌 釗峰狂喊

組合C AllStar前晚在紅館舉行演唱會頭場,面對休團在即,On仔搏到盡大晒肌肉,臨完場更與釗峰流下男兒淚。嘉賓楊千嬅則驚爆有意下年退休,更叫四子在她退休前重組。

組合C AllStar「休團」前最後一次在紅館舉行一連兩場《生於C AllStar演唱會2017》,舞台以三面台設計,蔡一傑、鄧小巧及狄以達等捧場。成員Jase率先現身獨唱,自認是「Chok到爆」的鬍鬚佬,其後四位成員以王子造型又唱又跳,氣氛熱烈。

人生有不同階段

天后級嘉賓楊千嬅身穿黃色長裙與他們合唱《最後的歌》,又問他們是否在演唱會後「分體」:「你哋唔會到我退休都未出番嚟啩?」四子指千嬅不會退休,她卻表示可能下年就退,認為人生有不同階段要發掘和珍惜:「希望唔會第一次做你哋嘉賓就變成最後一次,希望你哋繼續有好嘅作品,唔好等咁耐,希望大家支持。」C AllStar聞言說:「你一日唔退休,我哋一日都繼續唱!」

King化身DJ大玩電子音樂,四子換上螢光西裝跳唱共11分鐘的Medley,On仔中途脫去外套,大騷胸肌、腹肌加麒麟臂,更興奮到邊跳邊自摸「小On仔」,令全場尖叫聲震天!到尾聲,四子搭膊頭唱出《此刻無價》,On仔與釗峰忍不住流淚,釗峰更一度唱不下去,要擰轉身抹眼淚。Encore時段,On仔笑說:「我輸咗!喊先要罰錢。」

兄弟情最好時候

King感謝歌迷支持,釗峰則形容三位隊員是他的Comfort Zone,更說到想喊:「好多兄弟情、體諒同包容,但都有軟弱嘅時候,七年嚟經歷過無數掙扎同妥協,每次我哋拆掂咗,上到舞台遇到樂迷同讚賞我哋嘅人,成就我哋由旺角行人專用區唱到紅館!」Jase指很多人問他們是否不和,他澄清現在是四人感情最好的時候,休團是為了日後帶不同種類的音樂給大家。On仔向觀眾席的經理人阿簡及老闆等人致謝,阿簡亦不禁流淚。

而千嬅在台上突然宣布「可能明年退休」,消息震撼,不少歌迷擔心她完成12月的跨年10場《楊千嬅三二一GO!演唱會》後,就叠埋心水趕更年期前再添丁,但據知千嬅只是講笑,絕非有退休之意,目前她仍瞓身為個唱備戰。

文:音樂組 

攝:鄭家俊