謝雪心揸「大膽的」驚驚！
藝人謝雪心、龔慈恩及關禮傑等昨午出席公開活動，謝雪心自爆早前拍攝無綫劇《降魔的》「揸大膽車」﹕「劇情交代我要揸的士，但我冇的士牌，拍之前練咗兩個圈先上高速。監製冇逼我一定要揸，係我覺得OK，好彩依家拍車戲嘅鏡頭細咗，如果好似以前咁大舊，我驚睇唔到路呀！」
監製方駿釗則澄清謝雪心沒有違例「揸大膽車」﹕「事前我哋有Check過，拍嘅時候的士冚咗旗又冇載客，可以當私家車咁揸。」
同場的龔慈恩對於愛女林愷鈴簽約杜琪峯旗下，她指女兒將考大學，現時以讀書為主，簽約只會出席活動或拍廣告，畢業後入行與否由女兒自己決定。