孫耀威呷醋陳美詩攬實小鮮肉
人妻歌手陳美詩（Macy）早前為新歌《我會照顧你》拍攝MV，除扮車房妹外，更化身女特務與「小鮮肉」男主角胸貼胸擁抱。對於婚後攞正牌攬仔，Macy昨日笑說：「因為我老公（孫耀威、Eric）唔肯同我拍MV。（攬仔有冇罪惡感？）咁又冇，我係專業演員。」
Macy表示拍攝當日如有神助，平日少運動的她要拍追倒後車及跳上車等高難度鏡頭，竟如「特技人」上身一Take過順利完成，令睇死她會NG的導演大跌眼鏡。
Eric自誇正
拍MV當晚前來探班的Eric表示有看過老婆攬仔戲，他似有醋意地說：「都攬得好實。（老婆蝕底？）或者老婆拍得好開心呢？可能小鮮肉覺得蝕底呢？」他又暗示自己比「小鮮肉」更正，自爆曾秘密向Macy的MV導演提供意見，問是否刪減親熱鏡頭？他說：「又唔會。（點解唔肯同太太拍MV？）唔想兩公婆之間嘅嘢公開做畀人睇。」Eric認為老婆攬仔屬小兒科，自誇自己的MV更激：「我嗰啲係真咀，嗰次Macy有嚟探班，但咀嘴時佢行開咗，費事影響我。」
