劉嘉玲大日子偉仔送驚喜

近年熱愛時裝的影星劉嘉玲自家時裝品牌,昨晚再度登上上海時裝周舞台,展示2018春夏新裝。去年老公梁朝偉恩愛撐場,今年偉仔再度於開騷前突然現身後台打氣,送嘉玲一個大驚喜。

劉嘉玲(Carina)自家時裝品牌「ANIRAC」於2015年面世,品牌名稱「ANIRAC」是其英文名Carina反寫。上季她首度參與上海時裝周的2017秋冬系列時裝騷,老公梁朝偉驚喜現身。今季2018春夏騷,穿搶眼風褸配波鞋的朝偉於開騷前到後台甜蜜撐場,實行以行動支持老婆的事業,當然令嘉玲甜上心頭,兩人還合照放閃。

每套衫親自配襯

之前在後台陪老婆的梁朝偉於開騷後,坐頭排睇騷支持。嘉玲在開騷期間一直在後台親自打點,每套衫都由她配襯過,完騷後她上台謝幕,為時裝騷畫上完美句號,隨後各人再去派對慶功,嘉玲笑說:「咁多個月嚟嘅努力喺呢一刻實現,感動到毛管戙。」

嘉玲高度重視今次時裝騷,幾天前已抵達上海準備,早前穿豹紋大衣的她積極參與綵排,務求力臻完美。至昨日她換上一襲棗紅色的西裝長褲,戴着C字形的鑽石頸鏈,型爆登場。開騷前嘉玲在微博發文:「準備中(......)晚上八點見」,表現她的熱切期待。「ANIRAC」一如嘉玲平日的時裝風格,以簡約大方、優雅及突出女性線條為主,糅合法國高級訂製服的精粹及她的時尚觸覺而設計。嘉玲希望藉着時裝讓女性找到屬於自己的風格。

文:名人組