吳若希習慣被問候戥林穎彤陰公豬
吳若希產後收身成功，她指現時體重比生BB前還輕。近期經常被網友爆粗問候的她又稱已經習慣，反而戥錯手讚好的林穎彤陰公豬，不會怪責她。
歌星吳若希、鄭俊弘、蔚雨芯、湯寶如、胡鴻鈞、藝員汪明荃、陳百祥、陳貝兒等，昨日到尖沙咀出席無綫節目《善心滿載仁愛堂》記者會。吳若希笑指現時體重50kg，比起生BB前還弗：「冇刻意去減，湊BB亦唔辛苦，唔知點解會瘦，可能身體好啩。」她透露於節目中獻唱外購劇《那年花開月正圓》的香港版主題曲，問到是否重奪唱片公司一姐地位？她稱：「我哋冇分一唔一姐。」
繼續滿足網民
近日林穎彤（Bella）於社交網錯手點讚網民鬧師姐吳若希「臭X」的惡意留言，Bella在網上晒兩人合照否認不和。吳若希大方說：「我覺得Bella好陰公豬，佢發訊息畀我狂say sorry，我明白嘅，我有時都會錯手撳錯掣，唔使放大件事，佢都好慘嚇親，叫佢唔使驚，小事嚟。」
吳若希坦言已習慣被網民批評，只要不涉及家人就不會嬲：「我覺得好搞笑，同網民講要尊重我屋企人，好似變咗渴求咁。其實尊重係美德，正常都需要有。」可會減少玩社交網？她笑說：「我唔擺嘢上去，佢哋又會唔開心。有啲網民唔鍾意我，但又鍾意睇我嘅嘢，所以會繼續滿足佢哋，其實依家比生BB前已經玩少咗。」
鄭俊弘：工作正常番
蔚雨芯透露原本獲邀在節目表演一字馬：「一年前喺北京讀書嗰陣就做到，依家就有啲驚，最尾都係唱歌。」至於近期工作量增加的鄭俊弘，被問是否逐漸「解凍」？他說：「依家工作正常番。」
文：影視組