荷里活影壇大亨Harvey Weinstein的性醜聞愈鬧愈大，多位女星爆出曾被他性騷擾或侵犯，最新一個是憑《妖夜尋狼》（Underworld）系列上位的英國女星姬蒂碧金莎（Kate Beckinsale）!
現年44歲的姬蒂於Instagram透露當年17歲未成年時曾遭Harvey性騷擾，當時被召上其酒店房：「佢着住浴袍開門，我當時好幼稚又細個，冇諗過呢個又老又唔吸引嘅男人，會期待我對佢有興趣發生性行為！喺拒絕咗飲酒之後，我話第二朝要返學就走咗，好唔容易，但我冇事。」還踢爆幾年後被對方反問有否被他「搞」過：「我先知佢唔記得有冇性侵過我！」姬蒂表示之後拒絕過Harvey好幾次，因而令事業受阻。
另外，Harvey又被揭曾向39歲英國電視索女主持Myleene Klass提出「性交合約」！2010年，Myleene於康城電影節訪問他，其後獲安排與他一起吃午餐時被利誘上床，最後被她拒絕。而Harvey日前離開愛女寓所時向記者講自己需要幫助，並暗寸連日來批評他的明星。