Rain剝衫送吻吸太太團埋身

今年1月Rain與女星金泰希拉埋天窗，金泰希於5月宣布懷孕15周，即將做老竇的Rain昨日是婚後首次來港，獲半百粉絲接機。他於早上11時步出接機大堂，粉絲蜂擁而上並大叫：「Oppa，你好靚仔。」及「Welcome to Hong Kong！」Rain親切揮手，粉絲即報以尖叫聲。Rain在保安包圍下行到停車場，期間有粉絲遞上童裝品牌的禮物給他，他接過後報以微笑。

跳唱So Hot

晚上7時許，Rain以白馬王子Look出席置地廣場boutique boulevard派對，獲多名保鏢及工作人員陪伴出場，行紅地氈時不停向觀眾揮手。他與置地高層合照後，上台獻唱兩首歌《La Song》和《Hip Song》，期間脫下太陽眼鏡，叫觀眾大聲叫，又多次除低外套騷手臂肌，現場尖叫聲此起彼落。唱完第一首後，Rain說：「So Hot Hong Kong.」然後帶領現場觀眾一齊舉手及做手勢，唱完兩首歌後，他向觀眾兩度送飛吻，最後掃手才返回後台。

放大圖片	Rain獲名媛何明懿（左一）及趙金卿（右二）等一眾太太集郵。	方健儀翹住Rain手臂，令人羨慕。

蔣怡貪靚推開老公

其實Rain落機後，曾提早到商場視察環境，獲一眾太太包圍集郵，包括名媛何明懿、趙金卿、萬亮人、寇鴻萍及名模琦琦等，藝人莊思敏低胸裝搶鏡，當中以主持方健儀最能突圍而出，可以翹實Rain臂彎，而Rain亦來者不拒，難怪大受阿太歡迎。方健儀接受電話訪問時說：「我都戰戰兢兢，同佢影相嗰陣問佢『May I？』示意，問緊嗰陣我已經翹咗落去，佢冇反抗，我已經當佢應承咗，我唔知會唔會畀Fans打。」

蔣怡	莊思敏	溫碧霞

另外，昨晚創作歌手Bebe Rexha是表演嘉賓之一，她表示首度來港演出。有份睇騷的藝人溫碧霞透露剛偕老公到北海道過二人世界；而蔣怡與珠寶設計師老公翁狄森結伴出席，拍照時她推開老公隻手：「佢隻手遮住我嘅線條，件衫着出嚟要靚。」

文：名人組