憑獻唱無綫劇《不懂撒嬌的女人》插曲《陪着你走》而彈起的歌手譚嘉儀，被讀者爆料指因不滿同公司的菊梓喬（Hana）獲力捧上位，決定明年不跟公司續約。記者昨日致電嘉儀，她坦言明年4月約滿，但澄清沒講過不續約，近月老闆何哲圖（Herman）亦有找她傾續約。問到意願如何？她說：「老闆畀好多機會我，暫時都係留低。爆料者都幾搞笑，冇講過我要離開，今年出到歌同碟都係Herman一手完成我嘅夢想。」
譚嘉儀又澄清沒有妒忌Hana：「公司每個歌手都有自己嘅路向，唔通個個都要妒忌？我呢兩年都好開心同滿意。（覺得公司冷落你？）唔係，我一直都有寫歌同錄音。」講到公司給了很多洗腦劇集歌Hana唱，可覺公司力捧對方？她說：「老闆將適合嘅歌畀適合嘅人唱，我相信佢嘅眼光同決定。」