Harvey性醜聞事件受害者之一的露絲麥高雲（Rose McGowan），日前點名鬧爆Harvey一手捧紅的男星麥迪文（Matt Damon）及賓艾佛力（Ben Affleck）為「幫兇」，兩男前日終打破沉默「聲討」Harvey。
賓佬於聲明表示：「我對一個曾合作過嘅人，喺超過十年利用佢嘅權力地位去性騷擾、支配以及恐嚇多位女性而感到傷心同憤怒。我今朝睇到最新性侵指控（指前未婚妻桂莉芙白德露及女星安祖蓮娜祖莉）更令我感到不安，呢啲係完全唔可以接受！」麥迪文受訪時則說：「我哋知道呢啲事情喺世界到處發生，我同Harvey合作過五、六部戲，我從未見過（對女性有不軌行為）。」更揚言見到的話一定會阻止！不過露絲就鬧爆賓佬為大話精，指他曾對她明言早知Harvey的
惡行！