楊潮凱錢國偉齊報喜升呢做老竇

藝人楊潮凱與圈外女友江玉儀結婚四年，昨日於社交網宣布將為人父，可喜可賀！身在塞班島拍攝節目的他表示太太懷孕四個月，但未有公開BB性別：「第一次做爸爸，都有啲緊張。太太佗第三個月時嘔得好犀利，依家出埠時都想快啲返屋企。」他又指要努力搵奶粉錢，希望將最好的東西給BB。

而導演錢國偉與太太陳宛蔚（Calinda）前年結婚後，一直以中醫調理身體，終於成功一索得女，Calinda接受訪問時承認喜訊：「好開心，最緊要BB健健康康，依家有咗五個月，冇乜特別唔舒服，只係肥咗好多。」她笑言老公照顧好自己便是最大的獎勵。