李雨陽一索得男攬大肚妻放閃

將做爸爸的藝人李雨陽昨日於微博貼上擁抱着大肚太太的溫馨照片，相當Sweet！原來他為紀錄太太懷孕的美好時光，特別請來中學同學幫手影了這輯照片，他笑說：「第一胎嘛，亦可能係唯一一胎，所以想留個紀念畀寶寶。同埋我太太怕生完減唔番，希望都有個證明，原來佢曾經瘦過！」李雨陽透露太太現懷孕七個多月，已知腹中寶寶是男仔。雖然產期愈來愈近，但他指心情不太複雜，只希望母子平安，努力搵奶粉錢。