林夏薇仆到瘀晒 陳家樂嘆跳車冇次掂
英皇藝人陳家樂與林夏薇、陳山聰等日前為無綫新劇《逆緣》拍攝撞車戲。家樂要於私家車駛近之際跳上另一貨車尾躲避，心口掛勇字的他欲親身上陣，惟多次試位效果仍未如理想，最終要由替身頂替，家樂對此表示失望：「真係好想自己做番，但冇計，一直唔肯定個位，稍有差池跳唔到上去，就真係會畀車撞，會影響之後嘅工作。」
夏薇避車之餘，更要被道具鋼鐵壓住雙腳，令穿高踭鞋的她幾乎拗柴：「我冇用替身，真係仆落地，兩隻腳瘀晒，返屋企即刻厚敷去瘀膏，第二日就連得番戲！因為係山聰揸車，所以拍前同佢講，我哋幾個嘅性命喺佢手，叫佢萬事小心！」
