黃心穎怕後悔「紋」馬國明色變

韓星鄭俊英、黃心穎、雨僑及倪晨曦昨日到旺角出席tvN《都市蜜遊》見面會。心穎早前與鄭俊英到倫敦拍攝節目，她指旅程好似攞正牌去約會，十分甜蜜。講到鄭俊英上身有紋身，問到心穎可喜歡紋身男？她笑說：「OK！我都有諗過紋身，覺得係藝術，有諗過紋喺冇人見到嘅地方自己欣賞。（畀男友馬國明欣賞？）自己欣賞呀！（紋『馬國明』愛的紋身﹖）哈哈，一定唔會！承諾太大，見太多人之後都後悔，唔好搞我。（叫馬國明紋『黃心穎』呢？）會驚囉！身體係你父母畀你，唔好紋我上去，唔建議任何人為我紋身，佢亦都唔會，唔好嚇我。」而鄭俊英先後與三位美女到不同拍攝地方，自稱似花花公子。雨僑則透露拍攝時瞓捩頸，鄭俊英細心地送枕頭給她，司儀問雨僑與男友羅力威怎比較？她笑說：「講呢啲，唔同嘅！」