柏豪人「戲」急升阿婆都嗒糖
歌手周柏豪與女星謝婷婷昨日現身TOD'S活動，見面時互相擊掌，十分老友。柏豪表示因劇集《使徒行者2》而人氣急升：「去到邊都有人叫我個角色名，尋日有個婆婆變身『好少女』咁搵我影相！微博反應都好熱烈，以前得四位數點讚，依家有六位數，拍劇後多咗機會巡演。（賺多咗？）固然啦！」他又指不停被追問劇情：「連美國嘅親戚都打嚟問我幾時死，真係啋佢啊！」提到網友讚他連「鼻哥窿」都識演戲，柏豪笑說：「真係好多謝，我都好鍾意我個鼻哥窿，係父母送畀我嘅禮物。」
婷婷則透露稍後接拍洗頭水廣告，自言以前面對鏡頭會不自然，但現時會邊播音樂邊拍攝，感覺自然得多，問到是否酬勞高？她只笑而不語。同場的龐景峰為母親郭秀雲早前批評卓林的言論解畫，強調媽咪不是反對同性戀，只是覺得卓林另一半身為老師，不尊重自己的職業。