賴慰玲教迷惑老公 陳嘉寶「美少女」變人妻

藝人陳嘉寶將於下月25日出嫁，昨日她跟好友賴慰玲（Winki）、陳凱琳及陳瀅等舉行以美少女戰士為主題的婚前派對，嘉寶以Full Set戰士Look晒美腿示人，非常搶鏡！Winki就在網上甫片，並笑說：「好嘈！個個都爭住影人裙底！」她受訪時表示自己因懷孕腹大便便未有Cosplay，只穿上美少女圖案睡衣到場，但她仍不慎露出肚皮：「佢哋扮咗好耐美少女戰士，又不斷扮變身，但好多時間都係Girl's Talk，我哋傾偈，我主要功用係教佢做一個蠱惑人妻！（點蠱惑法？）要識得氹佢未來老公開心，對方開心，自然又會氹佢開心囉！我哋不斷祝福佢，希望佢可以早啲有BB！」
陳瀅（左起）、陳嘉寶、賴慰玲及陳凱琳搞閨蜜派對。
陳瀅（左起）、陳嘉寶、賴慰玲及陳凱琳搞閨蜜派對。

與賴慰玲齊齊着睡衣的陳凱琳表示不想性感，又坦言之前特意開群組籌備派對，各自負責不同工作，出來效果很好，陳嘉寶都很開心。問到參與這些婚前派對會否都恨嫁？她說：「咁又唔會，平常心啦！」

賴慰玲（左）與陳凱琳密實着睡衣，陳嘉寶則化身「美少女戰士」晒腿。
  • 賴慰玲（左）與陳凱琳密實着睡衣，陳嘉寶則化身「美少女戰士」晒腿。