鄧麗欣翻撻疑雲 親友都呃埋
鄧麗欣（Stephy）與方力申已分手一年多，但日前網上有傳兩人復合，更將於明年結婚，昨日Stephy出席活動時，笑言以為報道咁假沒有人會信，但想不到親戚與很熟的朋友都竟然信以為真！
昨日Stephy出席慈善活動，同場有英皇鐘錶珠寶主席兼行政總裁楊諾思及「蜘蛛女」鄭麗莎，眾人在台上寫下想跟助養小朋友講的說話。Stephy受訪時表示透過這組織助養了兩個小朋友，其中一個女孩是幾年前去越南時助養的，覺得跟女孩很有緣分：「見到就好想錫佢，覺得小朋友需要愛去關心，佢哋心靈創傷係好大，我自己家庭環境都相似，我喺單親家庭長大，缺少咗一方愛已覺得有缺失，何況佢冇咗爹哋媽咪。」
唔使劃清界線
講到日前網上有傳Stephy與前男友方力申復合，更會在明年娶她，她笑言：「覺得好好笑，嗰陣我唔喺香港，有朋友Send畀我，我冇認真睇，諗住咁假都冇人信（o架）啦！點知返到香港原來好多人都信以為真，就連親戚、好熟嘅朋友都以為係真，以為我靜靜雞唔講，但唔敢問我。」Stephy亦謂當中全都是舊聞，好像沒完沒了般，記者打趣指與方力申個名永遠走唔甩，她說：「唔使刻意走甩，同埋我控制唔到，大家唔好誤會就得。」
事業得意就夠
講到Stephy把聲有點異樣，她解釋可能因為近日忙拍戲又要宣傳三部電影，以致有點不適。談到15日是她的34歲生日，問到可會忙到沒有時間慶祝？Stephy說：「係呀，有朋友約我食飯，但我都唔得閒，因為咁啱生日嗰幾日去釜山電影節，之後就去高雄電影節。」但講到單身的她事業得意、愛情卻失意，她笑言：「呢個世界公平，我冇諗咁多，開心咪得。（其中一個生日願望會唔會想快啲拍拖？）生日願望梗係畀電影先，暫時都係寄情工作。」
文：音樂組